السحاب
كشف الفنان كريم فهمي عن المعاناة النفسية التي عاشها أثناء مشاركته في بطولة مسلسل “220 يوم”، مؤكدًا أن العمل ترك أثرًا كبيرًا عليه حتى بعد انتهاء التصوير.
وقال خلال لقائه في برنامج “كلام نواعم”:
“المسلسل دا عملي كوابيس، ولحد النهارده بصحى من النوم مفزوع. سنتين أو أكتر وأنا عايش معاه من أول الكتابة لحد التصوير، وتعبني نفسيًا جدًا.”
وعن فكرة إخفاء البطل مرضه عن زوجته في أحداث العمل، أوضح كريم فهمي أنه شخصيًا يختلف عن الشخصية:
“أنا بحب الصراحة والمشاركة، عمري ما بخبي حاجة عن مراتي، لأنها دايمًا اللي شايلة عني المعلومة. أنا مش بعرف أعمل غير شغلي، وهي اللي بتدير باقي تفاصيل حياتنا، وده بالنسبة لي مهم جدًا علشان الزوجين يبقوا واحد.”
وتحدث عن أصعب ما في التجربة قائلاً:
“التحدي الحقيقي إن الشرير في المسلسل مش إنسان تمسكه بإيدك.. الشرير كان المرض نفسه. أحمد – الشخصية اللي بجسدها – مخبّاش على مراته لأنه أناني، بالعكس، هو كان عارف قد إيه استنت حلم الأمومة 7 سنين، ولما حملت اكتشف إنه مريض، فاختار يسكت.”
يُذكر أن مسلسل “220 يوم” من بطولة كريم فهمي، صبا مبارك، حنان سليمان، عايدة رياض، علي الطيب، لينا صوفيا، يوسف رفعت، وعدد من الوجوه الشابة.
العمل من تأليف محمود زهران، سيناريو وحوار نادين نادر، إخراج كريم العدل، وإنتاج شركة “صباح إخوان”، ويتكون من 15 حلقة.
