جيهان الشماشرجي: اتعرضت للتنمر في طفولتي وكانوا بينادوني “أبو الهول

كشفت الفنانة جيهان الشماشرجي عن جانب من ذكريات طفولتها، مؤكدة أنها تعرضت للتنمر خلال فترة الدراسة، حيث أطلق عليها زملاؤها لقب “أبو الهول” بسبب خجلها الشديد.

وقالت خلال لقائها مع الإعلامية إسعاد يونس في برنامج “صاحبة السعادة” عبر شاشة DMC:
“كنت طفلة خجولة جدًا، لدرجة إن محدش كان يعرف صوتي، ومكنتش بتكلم تقريبًا. في المدرسة كانوا بيتنمروا عليا ومسميني (أبو الهول). كنت بعبر عن نفسي بالرسم أو الشغل بالطين والخشب، لكن بالكلام لأ.. كنت بتكسف وقاعدة لوحدي طول الوقت”.

وأضافت جيهان:
“لما دخلت أولى ثانوي، حصلت حاجة غيّرتني فجأة وبقيت مشاغبة جدًا. يمكن قلت لنفسي مش هينفع أفضل كده. مش فاكرة السبب بالظبط، بس ممكن علشان الشلة اللي كانوا بيتنمروا عليا سابوا المدرسة، والموجودين كانوا طيبين أكتر.”