السحاب
كشف الإعلامي محمود سعد، خلال بث مباشر عبر صفحته الرسمية على موقع فيسبوك، عن آخر التطورات الصحية للفنانة أنغام بعد خضوعها لعملية جراحية دقيقة.
وقال محمود سعد:
“من شوية كان في اتصال بيني وبين أنغام، وكمان كلمتني راندا مديرة أعمالها. أنغام ما دخلتش أوضة عزل زي ما اتقال، هي عملت العملية ودخلت العناية المركزة للإفاقة، وبعدها انتقلت لغرفة عادية”.
وأضاف:
“هي دلوقتي بتحس بألم شديد جدًا في منطقة البنكرياس والمعدة. واضح إن العملية كانت خطيرة جدًا والحمد لله نجحت، لكن لسه في مشكلة في التحاليل… في أرقام اتحسنت وأرقام لسه مش مظبوطة. ومن يومين كانت بدأت تاكل حاجات بسيطة، لكن دلوقتي مش قادرة بسبب الألم”.
وتابع قائلًا:
“أنغام بنفسها طالبة منكم تدعوا لها دعاء جميل من القلب، عشان ربنا يساعدها تتحمل الألم وتتخطى المحنة. هي موجودة في أوضتها وسط أولادها وأصدقائها ومديرة أعمالها، بس لسه خروجها مؤجل شوية”.
واختتم سعد حديثه برسالة أمل:
“إن شاء الله أنغام ترجع زي الأول وأحسن، وتقوم بالسلامة وتغني وتفرحنا زي ما عودتنا”.
