السحاب
في حلقة مميزة ومؤثرة من برنامج “هي وبس”، استضافت الإعلامية رضوى الشربيني الثنائي فرح شعبان وعلي غزلان، بعد تداول أخبار عن عودتهما لبعض من جديد، للحديث عن كواليس الانفصال وكيفية إصلاح العلاقة بعد الفُراق.
فرح كشفت خلال اللقاء على قناة dmc إن تدخل الناس، وخصوصًا المقربين والأصدقاء المشتركين، كان له دور كبير في تعقيد الأمور بينهما، لدرجة ساعدت في الوصول للطلاق.
وقالت: “حتى موضوع إني مش بعرف أطبخ، كان من الأسباب اللي خلتنا نطلق، ولما حصل الطلاق، بصراحة، قلت لنفسي عنده حق.”
أما علي غزلان، فشارك تجربته بعد الطلاق قائلاً: “سافرت من لبنان على طول لعمرة، وقلت: يا رب طلعها من قلبي. كنت حاسس إني قوي، ودي مرحلة رجولة، وكنت فاكر إن مفيش حاجة هتهزني.. بس الحقيقة إن مفيش حد بيتغير فجأة. إحنا بنتغير بالعُمر، والتغيير بياخد وقت وحياة كاملة.”
يُعرض برنامج “هي وبس” على قناة dmc كل ثلاثاء وأربعاء الساعة 11 مساءً، وتقدمه الإعلامية رضوى الشربيني.
