السحاب
أعلنت المذيعة هند مدحت ارتداءها الحجاب، بعدما نشرت عبر حسابها على Instagram صورًا جديدة من جلسة تصوير ظهرت فيها بالحجاب، ووجهت رسالة مؤثرة لجمهورها عن كواليس اتخاذها لهذا القرار.
وكتبت هند مدحت:
“عمري ما اتزنقت في الكلام، لكن النهارده مش لاقية أوصف إحساسي. كنت واثقة إن اللحظة دي هتيجي تاني، وإن ربنا عارف اللي جوايا قد إيه بحبه، وقد إيه كنت بتضايق من أي مرة بعصيه فيها سواء في كبيرة أو صغيرة.”
وأضافت:
“بقالي 4 سنين بقول لصحابي نفسي أتحجب ومش قادرة. بحب شعري، والبحر، والتان، والفساتين القصيرة، والسهر والمزيكا، وحتى نظرات الإعجاب من أي حد يشوفني. بحب شغلي اللي كنت خايفة الحجاب يأثر عليه، لكن في الآخر لقيت إني بحب ربنا أكتر، بس كنت مش قادرة أحول الحب لفعل.”
وتابعت:
“النهارده بالنسبة لي عيد ميلاد جديد، بداية لحياة مختلفة. القرار ده جي بدعوات أمي وأبويا وإخواتي، وحتى دعوات البنات اللي كانوا يشوفوني بطرحة في العمرة ويدعولي. المرة دي محتاجة دعواتكم بالثبات، وربنا وحده عارف القرار ده خد مني قد إيه، بس دلوقتي حاسة براحة وطمأنينة وثقة إنه هيعينني.”
وقامت هند مدحت بحذف صورها القديمة، مكتفية بالصور الجديدة بعد ارتداء الحجاب.
يُذكر أن هند مدحت عملت كبلوجر، وقدمت برنامج “Red Cast” عبر قناة الأهلي
