السحاب
كشف الفنان عمر متولي، خلال لقائه في برنامج “في الاستاد” مع محمد عبد الوهاب عبر إذاعة وقناة “نجوم FM”، سرًا طريفًا عن خاله الزعيم عادل إمام وتشجيعه لكرة القدم.
وقال عمر متولي:
“عادل إمام حبيبي كان زمان زملكاوي بالعند، مع إنه ملوش في الكورة أصلا. بعد كده لما ابنه رامي وهو طفل صغير بدأ يقول (أهلي أهلي) من غير ما حد يعلمه، الزعيم تابع وابتدى يحب الأهلي جدًا. وبعد فترة قرر ما يقولش هو أهلاوي ولا زملكاوي عشان محدش يزعل.”
وتحدث عمر متولي عن والده الراحل، قائلا:
“أبويا الله يرحمه كان كروي جدًا وهو اللي خلاني أحب الكورة. كنت أصحى ألاقيه بيتفرج على ماتش الأهلي ومعاه التليفون الأرضي، وأول ما يحصل موقف في الملعب يرفع السماعة من غير ألو ولا سلام ويكلم عم صلاح السعدني الله يرحمه يقول له (شفت الواد دا شاط الكرة إزاي؟) ويقفل.”
وأضاف:
“الاتنين كانوا بيتفرجوا كده 90 دقيقة بنفس الطريقة، وبعد شوية تليفون أبويا يرن وهو يرد ويقول (آه آه) ويقفل.. أكتشف إن صلاح السعدني بيرد بنفس الأسلوب ويعلق على الماتش. بدل ما يكلموا اللي جنبهم، كانوا بيكلموا بعض بالتليفون طول التسعين دقيقة.”
