حسام حبيب ينفي شائعة القبض عليه: “بيحاولوا يبعدوني عن شيرين”

نفى الفنان حسام حبيب ما تردد خلال الساعات الماضية حول إلقاء القبض عليه بتهمة تجارة المخدرات، مؤكداً أن ما يثار مجرد شائعات هدفها تشويه صورته والضغط عليه للابتعاد عن النجمة شيرين عبد الوهاب.

وخلال مداخلة هاتفية مع الإعلامية بسمة وهبة في بث مباشر عبر حسابها على إنستجرام، قال حبيب:
“إشاعة القبض عليا مش مظبوطة ومعروف مين بيطلعها.. دي حملة ممنهجة ضدي، والمرة دي فيها غلط كبير بسبب تسريب تحقيقات النيابة. كل مرة ما باخدش إجراء إكراماً لشيرين، لكن المرة دي مش هسيب حقي. أنا مستني ربنا يجيب لي حقي”.

وأضاف:
“الضغط اللي بيتعمل عليا هدفه يخوفني. بدل ما يشوه أخته ويشوهني، يركز معاها مرة واحدة. في أوقات خلافاتي مع شيرين كان بيتقال لها نفس الكلام غير الصحيح. أنا واقف ومش بسيب حقي، لكن بحافظ على العشرة وعلى أخته”.

وعن حالة شيرين الحالية، أوضح حسام حبيب:
“بقالي أسبوع بكلم كل أصحابها المحترمين يوقفوا جنبها ويساعدوها. كل الكلام اللي بيتقال عني الهدف منه إني أبعد عنها. أنا مش بخاف على نفسي قد ما بخاف على أهلي، ومش هسيب شيرين تتأذي بسبب الضغط اللي عليا. بطلب من الناس يقفوا جنبها.. لو أقرب الناس ليها مش بيطلوا عليها، مين هيساعدها؟”