السحاب
حل الفنان وائل الفشني ضيفًا على برنامج “فايق ورايق” مع الإعلامي إبراهيم فايق، حيث تحدث بصراحة عن رأيه في أغاني المهرجانات.
قال الفشني: “أنا هقول كلام ممكن يقعدني في البيت، بس المهرجانات مش فن، آسف إني بقول كده. ممكن تتغنى في فرح أو مناسبة، لكن ماينفعش تتسمى فن، لأن اللي بيحصل بوظنا خالص”.
وأضاف: “لما أجيب واحد سرسجي وأديه فلوس وأخليه برنس ونجم العالم، وأخلي الشباب يشوفوه قدوة، يبقى أنا ضيعت الدنيا. ابني يشوفه لابس دهب وراكب عربية ويقول عاوز أبقى زيه، طب فين قيمة الفن هنا؟”
وعن اتهامه بتقليد أحمد سعد وبهاء سلطان، أوضح الفشني في لقاء سابق مع الإعلامية شيرين سليمان ببرنامج “سبوت لايت” أنه يمتلك هوية فنية خاصة به ولا يسعى لتقليد أحد.
وأشار: “الجمهور بيقارنني دايمًا بأحمد سعد وبهاء سلطان، وبيطلب يسمعنا مع بعض، لكن ده مش وارد. جربت قبل كده مع أحمد سعد وماكانش الموضوع موفق لأسباب تقنية. بهاء سلطان مدرسة مستقلة، وأنا مدرسة تانية، لكن لو حابب نعمل دويتو أنا ماعنديش مانع”.
