السحاب
فاجأ النجم كريم محمود عبد العزيز زوجته آن الرفاعي بمداخلة هاتفية خلال استضافتها في برنامج “هي وبس” مع الإعلامية رضوى الشربيني، وذلك بمناسبة إطلاقها لمجموعة جديدة من الأزياء النسائية والرجالية.
وخلال المداخلة، أعرب كريم عن دعمه الكامل لزوجته قائلاً:
“أول ما قالتلي إنها هتبدأ خط أزياء خاص بيها، كان أول تفكيري إني لازم أشجعها. بقيت مؤمن جدًا إن الست لما تشتغل وتبدع في مجالها ده شيء عظيم، ويمكن زمان ماكنتش شايف الحكاية دي، لكن دلوقتي بقيت بحترم وبدعم أي ست عندها شغلها الخاص.”
وعن إمكانية التعاون مع زوجته في أعماله الفنية، أكد كريم:
“طبعًا ممكن أستعين بتصميماتها، إحنا دايمًا بناخد رأي بعض في شغلنا. ده الطبيعي في الحياة الزوجية، إن كل طرف يدعم التاني عشان ينجح ويحقق أحلامه.”
وفي ختام مداخلته، وجه كريم رسالة حب لزوجته قائلاً:
“بحبك، وإن شاء الله مشروعك يكسر الدنيا ويوصل للعالمية.”
