السحاب
أعرب الفنان أحمد سعد عن سعادته الكبيرة بالمشاركة للمرة الثانية في مهرجان مراسي، مؤكدًا اعتزازه بهذا الحدث الذي أصبح علامة مهمة في دعم وتنشيط السياحة المصرية.
وقال سعد في تصريحات خاصة لموقع المشهد:
“أنا بحب مراسي جدًا وبحترمها، وفخور بكل الفعاليات اللي بتتعمل هناك… ده مكان مشرف فعلًا وبيجذب سياح من كل أنحاء العالم”.
ووجَّه رسالة مباشرة لجمهوره قائلًا:
“مبسوط جدًا بحضوركم وتفاعلكم معايا. أتمنى أعمل حفلة كل يوم علشان اللي ماقدروش ييجوا، شكرًا من قلبي على محبتكم الكبيرة… شوفت تفاعل رائع مع الألبوم الجديد”.
وعن كواليس أغنية “أخويا” ضمن ألبومه الجديد، والتي تعاون فيها مع شقيقه الفنان عمرو سعد، أوضح أحمد:
“أنا بحب عمرو مش علشان بس أخويا، لكن لأنه دايمًا كان سند حقيقي ليا. لما طلبت منه يظهر في الكليب كضيف شرف من غير غُنا، كنت متردد لأنه نجم كبير، لكنه رحب بالفكرة من قلبه. وجوده معايا على المسرح وغناه جنبي أسعدني جدًا… وقريب هيكون في تعاون فني جديد بينا”.
أما عن المفاجأة المنتظرة مع النجمة ياسمين عبد العزيز، فقد اكتفى سعد بإثارة حماس الجمهور من غير ما يكشف تفاصيل، وقال:
“ماقدرش أعلن دلوقتي عن المفاجأة… لكن أقدر أقول إني بحب ياسمين جدًا، هي مثال للبنت خفيفة الظل والكل بيحبها من سنين. أجواؤها جميلة، وإن شاء الله انتظروا مفاجآت كبيرة قريبًا”
