السحاب
أعرب الفنان مصطفى كامل، نقيب المهن الموسيقية، عن استيائه من تجاهل الفنانة أنغام الرد على رسالته الأخيرة التي أرسلها للاطمئنان على حالتها الصحية، مؤكدًا أنه لم يحاول التواصل معها مجددًا بعد ذلك.
وقال مصطفى كامل خلال لقائه في برنامج ET بالعربي:
“أولاً، قبل أي حاجة، ألف سلامة عليها وربنا يشفيها ويقومها بالسلامة عشان ولادها وجمهورها، لكن لما عرفت إنها تعبانة بعتلها رسالة ومردتش. وللأمانة، مبعتش تاني، لأن أنا مؤمن بدوري كنقيب، إن لازم أكون حبيب الكل وزميل الكل، بس مش هقعد أدور على فنان زميلي وهو مش بيرد”.
وأضاف مصطفى كامل منتقدًا الموقف بطريقة غير مباشرة:
“دي حاجة اسمها تقدير، أنا كنقيب لما أطمن عليكي في رسالة، طبيعي تردي، أنا مش بقولك ابعتيلي فلوس سلف! فكونك مردتيش، أنا مش هبعت تاني. أنا مبحبش على نفسي كده، خصوصًا إن أنغام بالنسبالي فنانة كبيرة، وبحبها فنيًا وشخصيًا، وبينّا كل احترام”.
وتابع:
“يعني لو ابني ولا مراتي قروا الرسالة وقالولي أنغام بعتتلك، وأنا مش قادر أرد، هقولهم ردوا عليها وقولولها ميرسي. لكن مترديش خالص؟ لا، أنا مش هتصل تاني”.
محمود سعد يكشف تفاصيل الحالة الصحية لأنغام: “في ألم عنيف.. ادعولها”
من ناحية أخرى، تحدث الإعلامي محمود سعد عن الحالة الصحية للفنانة أنغام، مؤكدًا أنها تمر بوعكة صحية شديدة حاليًا، وتخضع للعلاج داخل المستشفى.
وقال محمود سعد في تصريحات إعلامية:
“هكلمكم عن صديقتي العزيزة الغالية أنغام، كان بينا اتصال وأنا بتابع معاها كل يوم. أوقات بكلمها، وأوقات بكلم عمر ابنها الكبير، وهو بيطمني عليها، لكن هي فعلاً تعبانة قوي، وفي ألم جامد، ومحتاجة دعواتكم”.
وأضاف أن حالتها ليست خطرة، لكنها صعبة ومؤلمة:
“في مشاكل إن شاء الله بعد 3 أو 4 أيام نقدر نعرف هي إيه. هي دلوقتي في المستشفى، وقاعدة لآخر الأسبوع، ومعاها أولادها وأصحابها. فبجد، ادعولها ربنا يخفف عنها الألم، وتعدي الأزمة الصحية العنيفة دي على خير”.
