السحاب
طرح الفنان أحمد جمال أحدث أغنياته الصيفية بعنوان “حلو التان” على موقع يوتيوب وجميع المنصات الرقمية ومحطات الراديو، وذلك بصيغة Lyrics Video، لتكون مفاجأة موسيقية لمحبيه خلال موسم الصيف.
الأغنية تحمل طابعًا خفيفًا وإيقاعًا حيويًا يتماشى مع أجواء الصيف، وتتميز بكلماتها المرحة وتوزيعها الموسيقي المبهج، ما يجعلها إضافة جديدة ومميزة لأغاني الموسم.
أغنية “حلو التان” من كلمات كوثر حجازي، ألحان محمد شحاتة، توزيع وسام عبد المنعم، وصدرت بالتعاون مع شركة ديجيتال ساوند للتوزيع الرقمي.
وتقول كلمات الأغنية:
حلو التان .. لايق على لون الفستان
تيجي تمشى بتعملي قلبان
وشياكتك دي بتسحرني
شعرك طار .. ولع جوه في قلبي النار
بشويش لا ده أنا كده هنهار
والنغزة دي هتجنني
ومالوش لازمة الخلخال .. هو انتي ناقصة جمال
استني أنا عندي سؤال
هو انتي حكايتك إيه؟
شعرك لما اتمايل .. دلعك سوى عمايل
على طول عاملة مشاكل .. بعدين في طعامة دي؟
حلو المود .. بوجودك دايمًا مظبوط
وبتسحري من غير مجهود
وشقاوتك دي بتعجبني
جوك غير .. عالكل مسيطر وخطير
وعليكي حلاوة وتأثير
وطريقتك دي بتشغلني
ومالوش لازمة الخلخال .. هو انتي ناقصة جمال
استني أنا عندي سؤال
هو انتي حكايتك إيه؟
شعرك لما اتمايل .. دلعك سوى عمايل
على طول عاملة مشاكل .. بعدين في طعامة دي؟
