السحاب
فجّرت الفنانة هدى المفتي مفاجأة خلال استضافتها في برنامج “صاحبة السعادة” مع الإعلامية إسعاد يونس، حيث كشفت أنها لم تتلق أي عرض زواج بشكل رسمي طوال حياتها.
وقالت هدى:
“عمري ما جالي عريس.. ولا مرة في حياتي حد جه قال إنه عايز يتجوزني، لا من صحاب ولا من ناس معرفهمش. اللي بيجيلي مجرد رسايل على إنستجرام، لكن عريس حقيقي؟ لأ.. مش عارفة بيخافوا مني ولا إيه!”
وأضافت أنها منذ طفولتها كانت تعرف جيدًا ما تريده، قائلة:
“كان عندي أحلام كتير عايزة أحققها، والجواز عمره ما كان من ضمنها. بابا دايمًا كان بيقولنا: ليه تتجوزي؟ الست مش لازم تتجوز غير لو هي فعلاً عايزة. على العكس ماما كانت بتسألني دايمًا: هو مفيش حد خالص؟”
وتطرقت هدى لأول تجربة حب مرت بها، قائلة:
“كنت حبيبة جدًا وأنا صغيرة.. في تالتة ثانوي حبيت شخص من طرف واحد، لكن فجأة اختفى، وبعد شوية عرفت إنه اتجوز”.
وعن الشائعات المستمرة حول ارتباطها، أوضحت:
“الإشاعات بنسكت عليها لحد ما تموت. ولو في حاجة حقيقية ليه ما أقولش؟ أنا لو اتخطبت أو فرحت هحب أقول، إحنا عندنا الجواز إشهار في النهاية”.
