السحاب
التفاعل اللحظي على السوشيال ميديا أصبح عنصرًا أساسيًا في نجاح الأعمال الدرامية”
أكد المخرج سعد هنداوي أن منصات التواصل الاجتماعي باتت تلعب دورًا محوريًا في تقييم وتوجيه صُنّاع الدراما، مشيرًا إلى أن ردود الفعل الفورية من الجمهور أسهمت بشكل كبير في نجاح مسلسل “فات الميعاد”.
وقال هنداوي خلال لقائه في برنامج “هذا الصباح” على قناة “إكسترا نيوز”، إن التفاعل المباشر مع العمل ساعده وفريقه على معرفة مدى تأثير الشخصيات، قائلاً:
“التأثير بقى مباشر وواضح جدًا، الناس بتتفرج وتكتب رأيها فورًا، وده بيخلينا نعرف إحنا ماشيين صح ولا لأ. من أول أسبوع، الجمهور قال إن الشخصيات شبههم، وإن ده مش تمثيل، وده أسعدني جدًا”.
وأوضح هنداوي أنه حرص منذ البداية على كسر الصورة النمطية للحي الشعبي والشخصيات التي تنتمي إليه، مضيفًا:
“من أول يوم، قلت لأحمد مجدي والأستاذ إبراهيم، إحنا مش عايزين نخلي شخصية (مسعد) شعبية بالشكل التقليدي. مش لازم يبالغ في الأداء أو يتكلم بطريقة مفتعلة، لأنه شاب حقيقي من الشارع ده، عنده تاريخه وتعليمه وتجارب خسارة وعودة، وكل ده لازم يظهر بصدق”.
وأشار إلى أنه سعى لتقديم الحي الشعبي بصورة جمالية تحترم واقعه، قائلاً:
“البيت الشعبي مش لازم يبقى مؤذي بصريًا، زيه زي بيت الطبقة المتوسطة. كل طبقة ليها جمالها، والمشاهد لازم يستمتع بالصورة مهما كانت الخلفية الاجتماعية”.
وختم حديثه بالتأكيد على أنه يتابع كافة التعليقات والآراء، حتى تلك التي تُنشر خارج حساباته الشخصية، موضحًا:
“أنا بقرأ كل حاجة، علشان أعرف إحنا رايحين فين. الجمهور بقى بيتعايش مع المسلسل لحظة بلحظة، ولو حصل شيء مش عاجبه بيتكلم فورًا. وده مش بس مهم، ده بقى عنصر أساسي في صناعة أي عمل درامي دلوقتي”.
