السحاب
كشفت الفنانة تيسير فهمي عن أسباب غيابها الطويل عن الساحة الفنية والذي امتد لـ13 عامًا، موضحة أن قرارها لم يكن اعتزالًا رسميًا، بل رغبة في التوقف المؤقت والانشغال بقضايا اجتماعية أخرى.
وقالت تيسير فهمي خلال لقائها في برنامج “الستات” مع الإعلاميتين مفيدة شيحة وسهير جودة:
“في البداية، قررت آخد فترة راحة وانشغلت في حاجات تانية اجتماعية، وبعدها السنين جريت من غير ما أحس، سنة ورا سنة، لحد ما لقيت نفسي بقالّي 13 سنة بعيدة.”
وأضافت:
“مكنش قرار اعتزال أبدًا، أنا بحب التمثيل جدًا، لكن وقتها حسيت إن في حاجة تانية محتاجة ألاقي نفسي فيها، ومعنديش أي مشاكل خلتني أبعد، بالعكس، كنت شغالة لآخر لحظة، وكان عندي فيلمين ومسلسل، وعندنا شركة إنتاج، فمفيش سبب للزعل.”
وفي تعليقها بطريقة مازحة، قالت:
“يمكن عملت فيكم خير لما بعدت، يعني كنت بعمل معروف… هي الظروف اللي خدتني، وانشغلت في العمل الاجتماعي، والوقت بقى بيجري، والسنة بقت زي الشهر.”
هل تعود مجددًا؟
وعن إمكانية عودتها للفن، علقت تيسير فهمي:
“أكيد التمثيل بيوحشني، خصوصًا وأنا عاشقة ليه، بس لما بتفرج على أعمال دلوقتي بكون زي أي مشاهد، مش بنتقد، بس بتفاعل واتأثر.”
وأبدت إعجابها بعدد من الأعمال الرمضانية مؤخرًا قائلة:
“عجبني جدًا مسلسل لام شمسية وتحت الوصاية، بحب الأعمال اللي ليها هدف ومعنى، واللي بتحسسنا إن للفن جدوى، وبيسلط الضوء على قضايا مهمة في المجتمع.”
آخر أعمالها
يُذكر أن آخر ظهور فني لـتيسير فهمي كان من خلال الجزء الثاني من مسلسل “الهاربة”، وشاركها البطولة كل من: أحمد راتب، صلاح رشوان، رشيد عساف، وأشرف مصيلحي، وهو من تأليف أحمد أبو بكر، وسيناريو محمد سليمان، وإخراج يوسف شرف الدين.
